Vyf mans is vanmiddag (4 September) omstreeks 12:30 in Walter Sisulustraat in hegtenis geneem.

Die polisie het dié straat vir ‘n tyd lank afgebaken.

Volgens ao Mpho Manyoba, polisiewoordvoerder, is ‘n groot bedrag geld in die mans se besit gevind.

“Die mans is in hegtenis geneem as deel van ‘n misdaadintelligensie operasie. Die polisie het ‘n leidraad opgevolg wat tot die arrestasie gelei het,” het Manyoba gesê.

Volgens ‘n bron na aan die ondersoek was die verdagtes glo betrokke by die onwettige verkoop van goud. Die voertuig was na bewering op pad van Carletonville na Khuma naby Stilfontein.

Lees meer in vandeesweek se Potchefstroom Herald.