’n Potchefstroomse laerskoolonderwyser in sy vyftigs is vandag (11 Desember) tot agt jaar tronkstraf, waarvan vier jaar opgeskort is, gevonnis.

Dit nadat hy in September aan seksuele aanranding en voorbereiding skuldig bevind is. Johan Briel (54) se naam sal ook by die lys van seksuele oortreders gevoeg word. Briel,wat ook ‘n krieketafrigter was, is op 15 Maart 2018 in hegtenis geneem. Hy is daarvan beskuldig dat hy ‘n 14 jarige seun seksueel aangerand en seksueel voorberei het.

Netwerk24 berig dat seksuele voorbereiding of “grooming” word tans as ‘n misdaad beskryf, al eindig dit nie in ‘n seksdaad met ‘n kind nie.

Dit word beskryf as die proses waardeur iemand probeer om ‘n emosionele band met ‘n potensiële slagoffer te bou met die uitsluitlike doel om hulle seksueel uit te buit.

Prof. Dap Louw, forensiese sielkundige, kriminoloog en buitegewone professor aan die universiteit van die Vrystaat het aan Netwerk24 verduidelik dat die oortreder gewoonlik ‘n bekende persoon in ‘n magsposisie is. Emmeline May, Britse blogger, skryf dat oortreders as gaaf deur hulle binnekring beskryf word.

Volgens haar “groom” hulle ook hulle vriende, familie en mense wat saam met hulle werk.

Prof. Louw het ses maniere aan Netwerk24 verskaf oor hoe so oortreder sy “prooi” mak maak.

1. Die oortreder identifiseer die slagoffer. Daar word veral op voorkoms en oënskynlike weerloosheid gelet.
2. Die oortreder sal uit sy pad uitgaan om ‘n goeie indruk op die slagoffer en dié se naasbestaandeste en vriende te maak. Sodoende word verseker dat niemand onraad vermoed nie.
3. Vetroue word gewen met geskenkies, daar word spesiale aandag aan die slagoffer gegee, die slagoffer word opgehemel en sogenaamde geheime word met die slagoffer gedeel. Die slagoffer begin glo dat daar ‘n spesiale band tussen die oortreder en slagoffer is.
4. Die oortreder skep situasies waar hy/sy alleen saam met die slagoffer kan wees.
5. Die aanraking is aanvanklik “onskuldig”. Soos drukkies, kielie of stoei. Volgende is iets soos kaal swem en om die slagoffer met ‘n handdoek af te droog. Heel laaste is die seksdade.
6. Die oortreder hou beheer deur veral geheimhouding en subtiele dreigemente te maak.

https://www.citizen.co.za/potchefstroom-herald/46636/onderwyser-vas-oor-beweerde-seksuele-misdryf/

https://www.citizen.co.za/potchefstroom-herald/65864/laerskool-onnie-skuldig-aan-seksuele-misdryf/