Volgens Kapt. Sam Tselanyane, polisiewoordvoerder, is die motief vir Maandagaand (7 Junie) se skietery is Orkney nog nie bekend nie maar voorlopige ondersoek wys dat die drie oorledenes lede van ‘n lang afstand taxivereniging is.

Die polisie in Orkney is besig om drie sake van moord en ses van poging tot moord te ondersoek. Dit na ‘n skietvoorval wat gisteraand (7 Junie) omstreeks 19: 00 in Orkney plaasgevind het.

Volgens Kapt. Sam Tselanyane, polisiewoordvoerder, het ‘n bebloede en ernstig beseerde man Maandagaand by die polisiestasie aangekom.

“Die slagoffer het aan polisiebeamptes vertel dat hy by ‘n vulstasie geskiet is,” het Tselanyane gesê. Volgens Tselanyane het daar glo ‘n wit bakkie met drie insittendes langs ‘n Fortuner met vier insittendes by die vulstasie gestop.

Kort daarna het die insittendes van die bakkie op die groep in die Fortuner begin skiet. “Drie mense in die Fortuner is dood en een ander persoon is ernstig beseer. Vyf omstanders is ook ernstig beseer.

Die beseerdes, is hospitaal toe geneem vir verdere behandeling,” het Tselanyane gesê. Die polisie maan enige iemand met inligting oor die voorval om vir sers. Paul Ompie van die georganiseerde missdaadeenheid by 076 529 5025 te skakel. https://www.citizen.co.za/potchefstroom-herald/88424/drie-dood-na-skietery-in-orkney/