Buitengewone hoë reënval vir Augustus

Die goeie reënval van verlede maand voorspel vanjaar dalk ‘n goeie reënseisoen vir Potchefstroom.

Volgens reënvalsyfers het dit verlede maand 15mm in Potchefstroom gereën wat buitengewoon hoog is vir die laaste wintermaand.

Ray van Rensburg, ‘n geofisikus van Potchefstroom wat vir meer as 20 jaar die reënval aanteken, sê die gemiddelde reënval vir Augustus is 11mm. Die afgelope 10 jaar is geen reën in Augustus aangeteken nie, behalwe in 2012 en 2016 toe dit onderskeidelik 3mm en 0,5 mm gereën het.