Geliefde verpleegkundige sterf

Baby Emma Gorrey (67), ‘n bekende verpleegkundige wat vir 36 jaar by die Potchefstroom Hospitaal gewerk het, is Maandag, 11 Oktober aan ‘n hartaanval dood.

Sy is op 26 September 1954 in Willem Klopperville, die destydse bruin woonbuurt in Potchefstroom, gebore en het op 18-jarige ouderdom as verpleegkundige by die destydse Groote Schuur Hospitaal in Kaapstad begin werk. Na haar oplieiding het sy teruggekeer na Potchefstroom waar sy die res van haar loopbaan by Potchefstroom Hopsitaal gewerk het.

Sy was na haar aftrede steeds by die gemeenskap betrokke en het sy by Kgatelepele Ya Bagodi aangesluit om ouer mense te help versorg. Sy het altyd na minderbevoorregtes uitgereik en was bekend daarvoor om kos op Kersdag en Paasnaweek vir mense op straat uit te deel. Sy sal onthou word as ‘n sorgsame matrone en ‘n liefdevolle ma en ouma met ‘n hart van goud. Haar deur het altyd vir almal oopgestaan.

Baby word oorleef deur haar suster, dogter, seun, vier kleinkinders en een agterkleinkind.

Haar troosdiens vind Saterdag by haar huis in Promosa plaas.