Laerskool M.L. Fick bied hierdie Woensdag, 10 November hulle Carols by Candellight konsert aan wat beloof om ‘n feestelike affêre te wees. Die gaskunstenaars op die aand sal die bekende plaaslike soliste, Dewald Grobler en Johan Schlebusch wees.

Dié konsert sal in die buitelug onder die sterre op M.L. Fick se sportterrein om 18:00 plaasvind. Die hekke sal alreeds vanaf 16:30 oopmaak.

Konsertgangers kan gerus ‘n kombers of kampstoel bring om op te sit en lekker gemaklik te wees. Die toegangsfooi is enige nie bederfbare kos.

Daar sal wel vir diegene wat honger raak hoender en- biefburgers teen R30 te koop wees. Die snoepie sal ook oop wees vir iets om die keel nat te hou en om aan te peusel terwyl die kersklanke deur die lug trek.