Na ‘n besoek aan die rioolwerke in Potchefstroom die afgelope week het die AfriForum-tak in Potchefstroom  vasgestel dat die gehalte van die gesuiwerde water wat uit die aanleg vrygelaat word aan al die nodige standaarde voldoen.

Dit volg nadat die tak vroeër die drink- (bloudruppelstatus) en rioolwater (groendruppelstatus) van Potchefstroom getoets het as deel van die organisasie se nasionale blou-en-groendruppelprojek.

 Die tak spreek sy dank uit teenoor die personeel wat daar werksaam is vir die goeie werk wat daar gedoen word.

“Dit is lekker om by so ’n belangrike deel in die waterketting te kom en vas te stel dat die werk van hoogstaande gehalte is. Ons bedank die personeel wat dit moontlik maak,” sê Alta Pretorius, AfriForum se distrikskoördineerder vir die Mooirivier.