Huis Eikelaan se bestuur het ‘n spesiale byeenkoms op Dinsdag, 26 April vir hulle oudste inwoners (almal 90 jaar oud en op) gereël om hulle ouderdomsmylpaal te vier.
Daar is 35 inwoners bo die ouderdom van 90 wat tans by Huis Eikelaan woon en hulle is op die dag behoorlik bederf.
Die inwoners kon lekker saam gesels en herinneringe deel, na die trekklaviermusiek van Rina Pretorius geluister en het ook voortreflike verversings ontvang.
Foto’s: Wouter Pienaar
Die verversings het kolwyntjies, melktert, en tamboesies onder andere ingesluit. Natuurlik was daar ook vars gekookte tee om die dors te les.
Elsie Kok (99) is die oudste inwoner en ongeveer ses maande ouer as die tweede oudste inwoner, mnr. Phlippie Eybers wat ook 99 jaar oud is.
Babs Giessing (98) en Carl Grobler (97) is die derde en vierde oudste onderskeidelik.
