Na ‘n onvergeetlike Desember waar skoolvriende met drie skedonke Suid-Afrika soos nog nooit tevore in ‘n reiskompetisie beleef het nie, is daar op Saterdag, 28 Januarie ‘n spesiale prysuitdeling vir die 2022 Toetertoe Trophy gehou.

Foto’s: Jool Malan

Die Toetertoe Trophy was ‘n belewenis vir hierdie groep vriende wat oor die 5000 kilometer in ‘n Ford Laser, Opel Kadett en Toyota Cressida afgelê het.

https://www.citizen.co.za/potchefstroom-herald/119905/vriendegroep-toer-land-plat-in-drie-legendariese-skedonke/

Soos in enige gesonde kompetisie is daar wenners aangekondig en die eerste wenner in Toetertoe Trophy-geskiedenis is die President-span wat uit Ockert Lubbe, Ludwig Rontgen en Janco Malan bestaan.

Tweede plek is die Rammelkas kalante (Rika Lubbe, Hané Zeeman, Ryno Bornman en Vian Cooke) en derde was die Poskantoor dames (Danté van Sittert, Pierre Joubert en Rian Velthuysen)

Pierre Joubert het die toekenning vir die “worst mechanic” gewen. Ockert Lubbe het die trofeë vir die “best mechanic” gewen.