‘n Veldbrand het vanmiddag ongeveer 14:30 by die rioolwerke in Potchefstroom uitgebreek.

Plaaslike brandweer, Working on Fire en ander brandbestryders van die Potch brandbestrydingsvereniging is op die toneel.

Een van die groot probleme is dat daar nie voorbrande gemaak is nie.

Volgens NW Sambreel Brandbestrydingsvereniging voorsitter, Eric Stoch is daar ook ‘n privaat vliegtuig gebruik om waterbomme op die vuur te gooi.

JB Marks munisipale woordvoerder, Jeanette Tshite, het bevestig dat daar nie groot skade by die rioolwerke is nie en dat brandweer tans op die toneel is om die brand te beheer.