‘n Man is vanoggend (Sondag, 9 Julie) ongeveer 10:00 in Piet Bosmanstraat van sy baadjie beroof en ‘n klomp keer met ‘n mes gesteek.

DIe man is glo minstens twee keer in sy rug gesteek en ook in sy linker bobeen gesteek. Hy het vir ongeveer drie ure langs die pad gelê, voordat ‘n lid van die publiek gereageer het en vir Mooirivier Beskerming gebel het.

Mooirivier Beskerming First Responder was teen 13:54 op die toneel en het die man se steekwonde behandel.

Die man is na Potch Hospitaal afgevoer vir verdere behandeling en is in ‘n stabiele toestand.