Bomme in Promosa gevind

Twee mortier-bomme is onlangs in Promosa gevind. Die bomme is deur inwoners in hul erwe opgegrawe waarna dit deur die polisie verwyder is.

Kolonel Adele Myburg sê dat dié twee bomme mortier-bomme uit die die Tweede Wêreldoorlog tydperk is. Die bomme is Saterdag 25 November uit Promosa verwyder.

“Altwee bomme was deur inwoners in hul erwe opgegrawe,” sê Kolonel Myburg. “Die Plofstof Eenheid het die bomme verwyder vir vernietigingsdoeleindes.”
Geen inwoners is deur die bomme beseer nie.