Boodskappe wat deur sosiale media aangestuur word waar, Eskom glo beplan om  33 ure se kragonderbrekings oor drie dae in Potchefstroom aan te bring is nie waar nie.

Volgens Jeanette Tshite, munisipale woordvoerder, het sy met die direkteur van tegniese dienste bevestig dat die boodskappe nie waar is nie.

In die boodskap word daar gesê dat Eskom, 33 ure se kragonderbrekings beplan om herstelwerk aan ‘n transformator wat olie lek te doen. Dit kom kort op die hakke van kragonderbrekings wat Sondag deur die stad gebeur het, nadat ‘n transformator by een van die substasies afgegaan het. Volgens Tshite was die probleem geidentifiseer en die krag reeds Sondagmiddag omstreeks 17:00 weer aan.