Bourbons het van 8 tot 10 Augustus sy deure vir die laaste keer oopgemaak waarin beskou word as ‘n spesiale, reuse sukses. Die afsluiting van die ikoniese instelling het ‘n nostalgiese terugblik op die verlede en ‘n viering van die toekoms gebring.

Die gebeurtenis is regstreeks op televisie uitgesaai deur KykNet en was ook op Pretoria FM en Jakaranda FM te sien. Albert Bothma, die eienaar van Bourbons, het die afsluiting as ‘n “roerende en onvergeetlike” geleentheid beskryf. “Dit was baie roerend om te sien dat 90% van die mense wat daar was, ek geken het. Aan die einde van die 1980’s en die begin van die 1990’s was ek een van die eerste kliënte wat van ver af gekom het vir die afsluiting,” het Bothma gesê.

Die aand van die afsluiting is gevier met ‘n uitstekende musiekgroep, Bottervlieg Revival. Die groep, wat bestaan uit professionele musikante wat in die verlede opgebreek was, het vir die geleentheid weer bymekaar gekom om die aand spesiaal te maak.

Vrydag- en Saterdagaande was gerig op die huidige generasie studente, en die byeenkoms het met groot hoogtepunte afgesluit. Die gesellige atmosfeer en die herinneringe wat opgehaal is, het die aand vir die deelnemers baie besonders gemaak.

Albert Bothma het ook sy opgewondenheid oor die toekoms gedeel. Hy het gesê, “Ek sien uit na wat Fire & Fragrance en Unite 180, wat twee geestelike dienste sal lewer in die gebou, gaan bereik. Ek is opgewonde oor die bydrae wat hierdie geestelike koninkryk dienste gaan lewer.”

Met betrekking tot sy toekomstige planne, het Bothma dit duidelik gemaak dat hy sy fokus gaan verskuif na Snowflake. “Ek het 35 jaar in die besigheid gewerk, en ek is die eienaar van Snowflake. Ek gaan voortgaan met Snowflake en ek gaan dit toespits,” het Bothma gesê.

Die afsluiting van Bourbons mag dalk die einde van ‘n era wees, maar dit dui ook op die begin van ‘n nuwe hoofstuk vir Bothma en die toekomstige projekte wat op hande is.