‘n Man is op 28 Augustus omstreeks 21:30 in Beyers Naude-laamn naby die munisipale swembad beroof.

Volgens Christiaan Haefele, bedryfsbestuurder van Mooirivier Beskerming, was die man op pad huis toe, toe vier mans met messe bewapen hom konfronteer het. Die verdagtes het hom van selfone, ‘n slimhorlosie en sy beursie beroof.

Hy kon daarin slaag om Mooirivier Beskerming in kennis te stel waarna hulle reaksiebeamptes gestuur het om die verdagtes te soek. Die verdagtes is nie gevind nie waarna die slagoffer die saak by die polisie aangemeld het.

Die polisie se ondersoek duur voort.