AfriForum het op Dinsdag, 23 Junie ‘n herwinningsprojek by Laerskool Baillie Park geloods met die oogpunt om ‘n hart vir ‘n skoon omgewing by die leerders te kweek.

Alta Pretorius, distrikskoördineerder van AfriForum in die Mooirivier het met die leerders oor die belangrikheid van herwinning gesels, waarna leerders pamflette gekry het. AfriForum het met Deswalner Recycling in samewerking getree vir hierdie projek.

Op hierdie pamflette is ‘n QR-kode wat hul ouers kan skandeer om aan te teken om deel van die herwinningsprojek te wees. Ouers kan kies of herwinningsmateriaal weekliks of tweeweekliks opgelaai kan word.