SportSport

Luiperds vanaand in stryd teen SWD Arende gewikkel

Die Luiperds se roete na Curriebeker Eerstedivisie glorie begin hierdie Vrydag, 24 Augustus, wanneer hulle teen die SWD Arende op Outeniqua Park in George te staan kom. Die Luiperds het vanjaar geen nuwe spelers vir die kompetisie bygekry nie, met ‘n paar bekende ervare spelers en ‘n paar jong manne wat die kruks van die …

Die Luiperds se roete na Curriebeker Eerstedivisie glorie begin hierdie Vrydag, 24 Augustus, wanneer hulle teen die SWD Arende op Outeniqua Park in George te staan kom.

Die Luiperds het vanjaar geen nuwe spelers vir die kompetisie bygekry nie, met ‘n paar bekende ervare spelers en ‘n paar jong manne wat die kruks van die span volmaak.

Die skrumskakel, Chriswill September, gaan die leisels as kaptein op die veld neem en sy verstandhouding met Schalk Hugo op losskakel sal deurslaggewend wees deur die loop van die seisoen.

Die beskikbaarheid van Gerhard Nortier op binnesenter is ook nog ‘n positiewe punt vir die Luiperds, aangesien hy nog ‘n skop opsie met sy kundige linkervoet bied.

Die vleuels, Dean Stokes en Jimmy Mpailane sowel as heelagter Tapiwa Mafura sal met spoed en vaart die gapings inslaan.

By die voorspelers is daar ‘n paar nuwer gesigte soos Edward Haas op agtsteman, Siya Mdaka op oopkantflank en Jaco Swanepoel op slot wat hulle staal sal wil wys. Luiperds afrigter, Jonathan Mokuena, glo dat sy span gereed is vir die stryd teen die Arende, maar dat alles sal ontvou hierdie Vrydag. “Ek dink ons is op ‘n goeie plek vir hierdie kompetisie, omdat ons meer voorbereiding ingekry het. Alles gaan afhang van hoe die ouens Vrydag in die 80 minute gaan opdaag,” het Mokuena genoem.

Luiperds teen SWD Arende:

1) Matimu Manganyi

2) Marius Stander

3) Robert Hunt

4) Johan Retief

5) Jaco Swanepoel

6) Siya Mdaka

7) Boela Venter

8) Edward Haas

9) Chriswill September

10) Schalk Hugo

11) Dean Stokes

12) Gerhard Nortier

13) Bradley Moolman

14) Jimmy Mpailane

15) Tapiwa Mafura

Plaasvervangers:

16) Chucky van der Westhuizen

17) Nelius Rademan

18) Danny du Plooy

19) Wandile Mazibuko

20) Eugene Hare

21) AK Nela

22) Evardi Boshoff

https://www.nbcarsales.co.za/
https://www.nbcarsales.co.za/

Related Articles

Check Also
Close
Back to top button