Intervarsity kragmeting vanaand op Fanie
Die wedstryd skop om 19:00 af, en kan ook regstreeks op Supersport gekyk word.
Die NWU pak vanaand, 10 Maart, om 19:00 die verdedigende Varsitybeker kampioene, Shimlas op tuisbodem.
Die Fanie du Toit sportgronde gaan brul, wanneer die tradisionele Intervarsity vyande mekaar aanvat. Die Arende is tans 5de op die punteleer en ‘n wen teen Shimlas is van kardinale belang om die NWU se uitspeel hoop aan die lewe te hou.
Burger van der Westhuizen, hoofafrigter van die NWU, het ‘n paar veranderinge in sy span gemaak vir vanaand se wedstryd.
“Dit is ‘n Varsitybeker wedstryd, elke wedstryd is belangrik. Almal is sterk en elke wedstryd is moeilik,” het hy gesê.
As die Arende hulle foute kan beperk staan hulle ‘n baie goeie kans om die Shimlas te klop. Die NWU se eerste paar wedstryde het hulle te veel ongedwonge foute in kritieke areas van die veld begaan.
Die wedstryd skop om 19:00 af, en kan ook regstreeks op Supersport gekyk word.
