In ‘n video wat gister (14 Mei) deur Rasaad Adams geneem is, het SASCO kort na die georganiseerde taaldebat op die Potchefstroomkampus gesê dat hulle ‘klaar is met vreedsame optogte’.

SASCO was glo ontevrede omdat die bestuur van die universiteit nie by die taaldebat teenwoordig was nie.

Volgens Louis Jacobs, woordvoerder van die NWU, is die debat deur die studenteraad georganiseer en nie deur bestuur nie.

“Bestuur was dus nie veronderstel om daar te wees nie. Die situasie was deurentyd deur ons Beskermingsdienste gemonitor, en uit die aard van die saak gaan verdere monitering voort,” het Jacobs gesê

Videoinhoud: Rasaad Adams. Verwerking: WAPAD