Hoërskool Jan Viljoen se sanggroep het weer vanjaar groot aftrek by die Nasionale Eisteddfod geniet en spog met twee toekennings vir hul optrede tydens dié gesogte kunstefees.
Volgens die sanggroep se afrigter, Yvonne Bouwer, bestaan die sanggroep uit 18 leerlinge.
“Die groep leerlinge het die afgelope tyd baie hard geoefen om gereed vir die Nasionale Eisteddfod te wees,” vertel Yvonne.
Sy vertel verdar dat hulle harde werk beslis vrug gedra het.
“Ons sanggroep het tydens hul optrede by die Nasionale Eisteddfod op 5 September met ‘n goue toekenning asook ‘n diploma weggestap,” sê Yvonne.
“Ons is baie trots op elkeen van die leerlinge enwens hulle baie geluk met hul puik prestasie.”
Yvonne bedank ook vir Lynn Bootha wat die leerlinge tydes hul optredes en oefensessies begely.
