Hoërskool Riebeeckrand se junior-verteenwoordeginde leerling raad (VRL) het beslis koppe laat draai toe hulle op 4 Oktober die skool se jaarlikse jaareindbal aangebied het.
Volgens Leona Esterhuizen, organiseerder van die bal en onderwyser by Hoërskool Riebeeckrand, was die aand ‘n groot sukses en elke leerling wat die geleentheid bygewoon het, het dit terdeë geniet.
“Die meisies het almal pragtig gelyk, maar kort voor lank hul hakskoene uitgetrek en kaalvoet die aand verby gedans. Die seuns het self uitgevat gelyk en soos ware here opgetree,” vertel Leona.
Dié bal het tot middernag aangehou en teen die einde van die aand was almal pootuit gedans.
Die leerlinge van Hoërskool Riebeeckrand bedank vir Leona Esterhuizen en Barbara Scholtz vir al hulle moeite tydens die organisering van die suksesvolle geleentheid.
