Die bestuur van Supersnuiters Pri-Primêr is baie trots op hul leerlinge se puik prestasies tydens die afgelope Raca Kunstefees.
Janika Delport Makayla Thomas, Nelirize van Zyl, Rebo Molotswane, Aubrey Gule, Wiehann Pretorius, Deacon Viljoen en Ryan O/Reilly is almal Graad R leerlinge van Supersnuiters wat ‘n diamant toekenning vir hul gedramatiseerde voordrag ontvang het.
Dié groep leerlinge was ook uitgenooi om tydens die Raca Gala-funksie op te tree en het met twee kategorie wenners pryse weggestap.
Dié twee kategorië was vir ‘Best Corel Verse Pre-Primary’ en Best Afrikaans Corel Verse’.
Vanjaar is ook die derde agtereenvolgende jaar wat Supersnuiters met die toekenning vir beste dans produksie wegstap.
Nelrize van Zyl, Ryan O’reilly en Shania Mitchell is ook na die Rac Gala-funksie genooi om op te tree en het self elk met ‘n toekenning as afdelingswenners in die Afrikaanse gedramatiseerde poësie afdeling weggestap.
Verskeie van dié pre-primêre skool se vier jariges het ook aan die Raca Kunstefees deelgeneem en hulself baie goed van hul taak gekwyt.
Dié leerlinge is Chanté Barnard – 97 persent, Tristan Faddy – 95 persent en Kayleigh van der Westhuizen– 93 persent.
Tussen die vyf-jarige leerlinge van Supersnuiters het talle leerlinge ook gewys dat hulle oor groot talent beskik toe dié groep leerlinge net sulke goeie punte by Raca verower het.
In die vyf-jarige kategorie het Neo Booi 98 persent verower. Sonel Myburgh spog met 90 persent, terwyl Megan Viljoen 94 persent ontvang het. Amber Valentine het ook 94 persent ontvang en Kyle van der Wethuizen 97 persent.
Verder het drie van Supersnuiters se Graad R leerlinge in individuele items ook deelgeneem en met puik resultate van die verhoog af gestap. Deacon Viljoen het 98 persent ontvang, Rebo Molotswane het 97 persent ontvang en Makayla Thomas spog self met 98 persent.
