Laerskool Randfontein het sy hokkieseisoen op ‘n hoogtepunt afgesluit.
Die beste o.12 hokkiedogters in die streek is uitgenooi om aan die Gauteng-Wes hokkieproewe deel te neem en een van Ram se leerlinge is tydens dié geleentheid in die Gauteng-Wes Hokkiespan opgeneem.
Die organiseerder en afrigter van Ram se hokkiedogters, Tanya Pelser het Ram se hokkiespelers na die proewe vergesel.
Daar het meer as 100 spelers tydens die geleentheid meegeding om een van 11 plekke in die Gauteng-Wes Hokkiespan te verower.
Melouise Mulder van Ram is een van die spelers wat in die Gauteng-Wes Hokkiespan opgeneem is.
“Dis voorwaar ‘n puik prestasie en ons almal by Ram is baie trots op jou,” vertel Tanya.
Die Gauteng-Wes Hokkiespan gaan in Augustus 2014 aan die Nasionale toernooi in Potchefstroom deelneem.
