‘n Leerling van Laerskool Randfontein (Ram), Pierré Maree is in die Gauteng-Wes o.13 krieketspan opgeneem.
Volgens ‘n onderwyser by Laerskool Randfontein, Dalena Botha, het Pierré baie goed gevaar en gewys dat hy beslis ‘n aanwins vir dié span is.
Ongelukkig het Pierré en sy span nie na die finaal deurgedring nie maar steeds skitterend tydens die aandliga gevaar.
“Wat dié o.13 span uniek gemaak het is die feit dat die span uit vier hoofseuns van verskillende skole bestaan het,” vertel Dalena.
Pierré Maree was van Laerskool Randfontein, Bennie Smith van Laerskool Rapportryer, Juandré Swanepoel van Laerskool Krugersdorp-Noord en Awie Visser van Laerskool De Beer.
“Al vier dié spelers het gewys dat hulle oor besondere talent beskik en het ook tydens hul betrokkenheid by die Gauteng-Wes Krieketspan ook boesemvriende geword,” vertel Dalena.
