Riebeeck bied top atletiekbyeenkoms aan
Vanjaar het dié byeenkoms op 25 Februarie by die Herman Immelman Stadion in Germiston plaasgevind.
Hoërskool Riebeeckrand het vanjaar die geleentheid gehad om die prestige NWU Puk Interskole Super 16 Atletiek kampioenskappe aan te bied en het ook tydens die geleentheid puik gevaar.
Volgens die bemarker van Hoërskool Riebeeckrand, Rickus Kruger, kry Riebeeckrand elke 16-jaar die geleentheid om die Super 16 Atletiekbyeenkoms aan te bied.
“Vanjaar het dié byeenkoms op 25 Februarie by die Herman Immelman Stadion in Germiston plaasgevind,” vertel Rickus.
“Dit het weke se beplanning geverg om die byeenkoms te reël, maar die geleentheid was ‘n reuse sukses en ons hoofborg, NWU Puk, was baie gelukkig met hoe die dag verloop het.”
Volgens Rickus, moes Hoërskool Riebeeckrand teen skole soos Klerskdorp, Benoni, Lichtenburg, Vorentoe, Prestige College, Florida, Jeugland, Middelburg, Hugenote, Driehoek, Bergsig, Brits, Vereeniging, Potchefstroom Gimnasium en Linden kragte meet.
“Hoërskool Riebeeckrand het puik gevaar tydens die geleentheid en Lizerie Ferreira is as die Senior Victrix Ladourim aangewys,” vertel Rickus trots.
