EPR se jongste misdaadverslag toon dat besighede in Randwes weer erg onder misdaad deurgeloop het.
Volgens Johan Krogh, hoofbestuurder van EPR Sekuriteit aan die Wes-Rand, is minstens 11 insidente vir die tydperk van 30 Oktober tot 1 November aangemeld.
Die meeste insidente (ses) het by besighede plaasgevind gevolg deur vier by wonings en een by ‘n skool.
Twee van die insidente by wonings, naamlik by ‘n huis in Helikonpark en op ‘n plot in Zuurbekom, was nie misdaadverwant nie maar daar was natuurskade.
Die twee ander insidente by wonings was ernstiger en sluit in diefstal op ‘n plot in Hillside en intimidasie by ‘n kompleks in Randpoort.
Die besighede wat geteiken is, is in Randridge, Homelake, Aureus, Westonaria, Mohlakeng en Randfontein. Die insidente sluit in inbraak, diefstal, saakbeskadiging en roof.
