Die Vrouelandbou-unie (VLU) se Middelvlei-tak het op Dinsdag, 9 Maart die verpleegsters in the Scope Theatre-eenheid by Life Flora Hospitaal verras met bederfpakkies.

Volgens Ria Herbst, voorsitter van die Middelvlei-tak, het hulle die bederfpakkies geskenk om dankie te sê vir die harde werk wat die verpleegpersoneel doen.

“Een van ons lede was by Life Flora Hospitaal en het daar die behoefte raakgesien om hierdie verpleegsters te bederf,” het Ria verduidelik.

Dit is ‘n eer om hierdie geskenke te ontvang en dit laat die personeel spesiaal, gesog en nodig voel,” het ‘n dankbare Karen Whittaker, verpleegsuster by die Scope Theatre Eenheid gesê.

Sy het die VLU Middelvlei-tak opreg bedank vir die pragtige geskenke wat al die verpleegsters in haar eenheid ontvang het.