Laerskool Randfontein het besluit om vir hul eie verjaarsdag eerder ander te bederf.

Op Dinsdag 3 Augustus het die skool 84 geword en na inwoners van Vriendskaptuiste uitgereik.

Volgens die organiseerder en voorsitter van die leierouerkomitee, Sonet Lombaard, het hulle ‘n sleepwa vol goedere by die ouetehuis gaan aflaai.

Daar is vars gebakte produkte, vrugte, lekkernye, sjokolade, koekies, seep, rome, troetelprodukte en komberse geskenk.

Dit was ‘n leierprojek en leerders is gevra om iets klein skool toe te bring op die skool se verjaarsdag,” het sy gesê.

Sy het verduidelik dat hulle besluit het op Vriendskaptuiste omdat die bejaarde inwoners dit verdien om bederf te word.

Volgens Sonet het die stelling ‘dit is lekkerder om te gee as om te ontvang’ ‘n nuwe betekenis vir hulle gekry.

“Die groot hoeveelheid geskenke het alle verwagtinge oortref. Dit het my opnuut laat besef hoeveel liefde en omgee ons Ram-leerders en -ouers vir ons gemeenskap het,” het Sonet vertel.