Die leerders van Rosemarie Kahn Kleuterskool is tydens hulle beroepsdag op Vrydag, 20 Augustus deur belangrike mans en vroue verras.
Die kleuterskoolhoof, Annézel Meiring, het vertel dat hierdie mense hul kosbare tyd afgestaan het om die leerders se horisonne te verbreed.
Sy het vertel dat hul leerders die voorreg gehad het om ‘n polisiehelikopter te sien land, ‘n brandweerwa se brandslang vas te hou, en ook vir Duke, ‘n polisiehond van die Wes-Randse Honde-eenheid te ontmoet.
Die leerders kon ook loer hoe die binnekant van ‘n ambulans lyk, en hulle het geleer hoekom veiligheidswagte so belangrik is.
“Daar was demonstrasies deur duikers van die soek -en -reddingseenheid, en ‘n opvoedkundige en prettige aktiwiteit deur die Verkeersafdeling.”
Sy het namens die skool baie dankie gesê aan elke persoon wat uit hul pad gegaan het om die dag vir die leerders so wonderlik te maak, waaronder die SAPD Provinsiaal; SAPD Randfontein; SAPD Lugvleuel Germiston en Wonderboom; SAPD Honde-eenheid; SAPD Watervleuel Johannesburg; SAPD Bomverwyderingseenheid; Soek en Redding; Netcare 911; GPG Ambulansdiens; Voorkoming van sosiale misdaad en gesinsgeweld aan die Wes-Rand; Eenheid vir Seksuele Misdrywe (FCS); Randfontein Brandweer; Randfontein Verkeersafdeling; Gauteng Verkeersafdeling; Intellidrive; EPR Sekuriteit; Nightwatch Sekuriteit; ADT Sekuriteit; en Fostertech Sekuriteit.
