VLU hou hul 30ste konferensie

Die lede van die Vrouelandbou-unie Ridderspore het hul handewerk ten toon gestel en ook hul vaandel tydens hul onlangse konferensie bekend gestel.

March 12, 2025

Chanté Bolton Less than a minute

Gerda Benadie, die Ridderspore voorsitter, saam met Kristen Becker wie die vaandel ontwerp het en Adri van Niekerk, die Witwatersrand streekvoorsitter.

Die vroue van die Vrouelandbou-unie (VLU) Ridderspore het bymekaargekom om hul talente ten toon te stel en ook hul 30ste konferensie gehou.

• Lees ook: VLU help minderjarige slagoffers van misdaad

Op 8 Maart is verskeie artikels wat deur lede van die VLU gemaak is, uitgestal.

Leonie Calitz, skakelbeampte, het verduidelik dat die artikels onder meer draadwerk, borduurwerk, hekel en brei, koekbak, masjienwerk en ook kuns en fotografie insluit. Hulle het ook hul vaandel op die dag bekendgestel.

Die Witwatersrand-tak bestaan uit agt verskillende takke waarvan die Ridderspore-tak deel is. Die Witwatersrand-tak is in September 1925 gestig en vier ook vanjaar sy 100ste bestaansjaar.