Wêreldboekdag het Rappies aan die lees

Laerskool Rapportryer het vanjaar besluit om Wêreldboekdag op ‘n unieke manier te vier.

Op 23 April het Rappies ‘n saalopening vir sy leerders gereël en volgens skoolwoordvoerder Celeste Wentzel, was hierdie ‘n unieke benadering om leesgewoontes onder die leerders te bemoedig.

• Lees ook: #LeesOmdat: Rappies vertel van hul leesliefde

Ds Nico van Rensburg het die geleentheid bygewoon as ‘n gasspreuker en het ook ‘n lesing aangebied.

Sonja Brits, wat ‘n Hoëronderwysdiploma in die Grondslagfase het, het genoem dat die doel van die inisiatief was om die leerders bloot te stel aan die verskeidenheid boeke in die Bybel. Verder was die doel ook om die leerders se verstand oor die inhoud van die Bybel te verbreed.

Volgens Celeste het Nico gebruik gemaak van illustrasies, stories en praktiese voorbeelde. Hy het selfs 66 leerders na die verhoog geroep. Celeste het beklemtoon dat Nico ‘n dinamiese toespraak gelewer het.

Ons skool het Christelike waardes en ons het gehoop om ‘n nuwe waardering vir die Bybel as ‘n bron van inspirasie en kennis te kweek. Daarmee wou ons die leerders aanmoedig om verder te lees en te verken,” het Celeste verduidelik.

Sy het afgesluit met die mening dat hierdie geleentheid ‘n impak op die leerders gehad het, wat ‘n langdurende liefde vir lees gekweek het.

• Lees ook: Lees van kardinale belang in die ontwikkeling van kinders