RAM-leerders leer van die brandweer

Laerskool Randfontein se graad een-leerders asook hul RAMkriekie kleuterskoolmaats het ‘n besoek van die brandweer ontvang.

Annie Nolan, skoolwoordvoerder, het gesê die leerders het op 8 November geleer hoe ’n brand kan vlamvat en wat in verskeie brandsituasies gedoen moet word. Die leerders kon ook die brandweerwa van nader bekyk en selfs die waterpyp uittoets.

“Toe daardie maats die brandweerwa se sirene om die draai hoor kom, was daar groot geraas en opgewondenheid! Die leerders kon nie glo hoe groot ‘n brandweerwa werklik is nie. ‘n Dag wat hulle vir altyd sal onthou,” het Annie gesê.

“Dankie aan Mxolisi Ndema, die pelotonbevelvoerder van City of Johannesburg Nooddienste, asook die stasiebeampte van Randfontein, Marius Laubscher en sy span wat gereël het vir hierdie opwindende besoek aan die skool.”