Karakterdag by RAM
Van prinsesse en helde tot vlieëniers. Leerders van RAM-Kriekies het as hul gunstelingkarakters aangetrek om Storiekarakterdag te vier.
RAM-Kriekies se leerders het die Storiekarakterdag gebruik as ‘n geleentheid om as hul gunstelingkarakters aan te trek.
• Lees ook: RAM verwelkom talle nuwe personeel
Volgens juffrou Annalie Grobbelaar het al die leerders hul kreatiwiteit gebruik om verskeie kleurvolle karakters vas te vang. Hierdie dag het nie net gewys van watter karakters die leerders hou nie, maar hulle ook aangemoedig om hul lees- en taalvaardighede te ontwikkel.
Mieke van Deventer het gesê sy het besluit om as ‘n ballerina aan te trek omdat sy baie daarvan hou. Sy het bygevoeg dat dit haar gunstelingkarakter is.
Ek het soos Dawid in die Bybel aangetrek omdat ek daarvan hou om met die swaard te speel,” het Diego Craucamp uitgespreek.
Callum Caldeira het genoem dat hy soos ‘n leeu van die Lion King aangetrek het omdat hy dink leeus is baie mooi.
Wilmené Durand het gesê sy het soos Elsa aangetrek omdat Frozen my gunsteling fliek is en ‘sy is baie mooi’.
