Zoem, Zoem! Rappies vier Byedag
Byedag word prettig by Laerskool Rapportryer gevier waar leerders die belangrike rol van bye in die ekosisteem uit te druk.
Graad drie-leerders by Laerskool Rapportryer het Byedag gevier deur unieke insekboeke te ontwerp en saam te stel om die belangrike rol van bye in die ekosisteem uit te lig.
• Lees ook: Rappies verwelkom Christelike jeuggroep
Volgens Celeste Wentzel, skoolwoordvoerder, het die leerders hul waardering vir bye op ‘n kreatiewe manier getoon.
“Die boeke was gevul met kleurvolle illustrasies, interessante feite en selfgeskrewe verse oor bye, skoenlappers, kewers en ander kruipende diere. Ons het baie geleer oor hoe bye help met bestuiwing en hoekom dit belangrik is om hulle te beskerm,” het een van die leerders uitgespreek.
“Die onderwysers was trots op die leerders se harde werk en nuuskierigheid. Dit is wonderlik om te sien hoe kinders op hierdie manier leer om die natuur te waardeer,” het Celeste gesê.
Bydag was nie net opvoedkundig nie maar ook ’n wonderlike kreatiewe geleentheid vir die jong leerders om hul liefde vir die natuur uit te druk,” het sy afgesluit.
