Groot drama-sterre in wording by Riebeeckrand

Drie leerders van Hoërskool Riebeeckrand het onlangs aan die Proscenium Drama Kompetisie deelgeneem en die gemeenskap trots gemaak.

• Lees ook: Riebeeckrand se 1e hokkiedogters sink vir Crawford

Skoolwoordvoerder Diana Nel het vertel Armand Martins, Mahlatse Molubi en Boipelo Palagangwe het aan hierdie nasionale kompetisie deelgeneem wat in Kaapstad plaasgevind het.

Sy sê byna 600 leerders het aan die kompetisie deelgeneem.

Ons drie Riebeeckranders het uitgestaan. Boipelo het in die top 60 beland terwyl Armand die top 30 gehaal het. Mahlatse het beslis ons asems weggeslaan deur onder die top 8 te eindig,” het Diana gesê.

Mahlatse is intussen ook gekies vir ‘n rol in ‘n produksie tydens die Klein Karoo Nasionale Kunstefees.