Trots op puik diens

• Marie Ras van Kocksoord skryf:

Graag wil ek die Kocksoord kliniek bedank vir so ‘n skoon kliniek, wat pragtig lyk.

Om alles te kroon is die staff en dokters by die kliniek baie vriendelik, beleefd en behulpsaam.

Vir dié groep mense is dit nie te veel moeite om die ekstra myl te loop om pasiënte te help nie.

Ek gaan haal elke maand my medikasie by dié kliniek en dit is al vir my soos ‘n tweede huis, aangesien almal altyd vriendelik is en met ‘n glimlag help.

Ek bedank elke werknemer by die kliniek.

Julle doen ‘n puik werk en ek sal enigiemand na julle kliniek toe verwys.

Dit is voorwaar ‘n riem onder die hart om te sien dat daar nog mense is wat so groot passie vir hul werk het.