Rappies nommer een in juksei aan die Wes-Rand
Van jukskei kan jy Laerskool Rapportryer niks vertel nie.
Laerskool Rapportryer (Rappies) is op Saterdag, 1 September as die kampioenskool in jukskei aan die Wes-Rand aangewys.
Met 13 spanne wat deelgeneem het, was Rappies die skool met die meeste spanne in die liga.
“’n Hoogtepunt is beslis ons o.13A-dogterspan wat ligawenners was. Hulle het op 15 September aan die Direkteurstoernooi deelgeneem. Ons o.13A-seunspan, o.13B2-seunspan en o.13B-dogterspan het tweede in die liga geëindig,” het Roleen Olivier, Rappies se woordvoerder gesê.
Die o.11-spanne het aksiejukskei gespeel en het al ses uitstekend gevaar. Die dogterspanne was onderskeidelik eerste en tweede, en die seunspanne was eerste, tweede, derde en vyfde.
“Dankie aan elke ouer wat die leerders langs die baan ondersteun het. Rappies is trots op ons top jukskeispelers,” het sy bygevoeg.
Het jy dalk meer inligting rakende dié storie? Stuur gerus vir ons ‘n e-pos na randfonteinherald@caxton.co.za (onthou asseblief om jou kontak besonderhede by te voeg) of skakel ons by 011 693 3671.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes
Roodepoort Record
Krugersdorp News
Get It Joburg West Magazine
Besoek ook ons Facebook, Twitter en Instagram blaaie om jou stem te laat tel!
