Jannas se o.15-hokkiespelers gaan Noordvaal toe

Hoërskool Jan Viljoen (Jannas) se hokkiespanne het vanjaar uitsonderlik goed gevaar.

Vir die eerste keer in jare het een van die Jannas-hokkiespanne gekwalifiseer om aan die Noordvaal-toernooi in Vanderbijlpark deel te neem, en daarom is dit vir hulle ‘n prestasie om op trots te wees.

“Op die oomblik fokus die hokkiespelers op hul eksamens, maar ons gaan die vakansie ekstra hard oefen om voor te berei vir die Noordvaal-toernooi,” het Mara Combrinck, die o.15-hokkiespan se afrigter gesê.