Sport
Pirates Groot Uitdaagreeks: Teine derde span bring die beker huis toe!
Die Randfontein Rugbyklub se derde span het die dorp en distrik trots gemaak ná hul skouspelagtige oorwinning in die eindstryd van die Castle Lager Pirates Groot Uitdaagreeks.
Teine se derde span is in hul noppies en is as vanjaar se Castle Lager Pirates Groot Uitdaagreeks-kampioene gekroon ná ‘n indrukwekkende oorwinning van 19–13 oor Wanderers.
Die eindstryd het wel weg van die huis op neutrale terrein plaasgevind, naamlik die Witwatersrand Universiteit, maar nie eers dit het Teine gekeer om die beker huis toe te bring nie.
‘n Groot skare was op die dag teenwoordig om die wedstryd te aanskou. Teine het net een drie gedruk danksy Dwayne van der Walt maar dit was die skopskoen van Ryan Strydom wat die groot verskil gemaak het.
Hy was nie net suksesvol met een doelskop nie, maar het ook vier strafskoppe oorgeklits.
You can read the full story on our App. Download it here.
