Teine 1ste span skop liga af met wegholoorwinning
Teine se eerste span het die ligaseisoen op 'n wennoot afgeskop deur Diggers af te slag.
Randfontein Rugbyklub se eerste span het die afgelope naweek ‘n wegholoorwinning teen Diggers in die eerste wedstryd van die liga behaal.
• Lees ook: Drie uit drie vir Teine in Centurion, nou wag die liga
Teine het ‘n indrukwekkende 10 drieë gedruk vir ‘n gemaklike sege van 60–14. Die wedstryd het in Teine se agterplaas, bekend as die ‘House of Pain’, plaasgevind.
Driedrukkers was Wessel van Staden, Ruan du Toit, Tristan Dulliseur, Barend Steyn, Senzo Hlatshwayo, Swys Pretorius, Steff Calitz, Ryan Strydom en Michale Tolmay (2). Steff Calitz het verder drie doelskoppe behaal terwyl Tiaan Naude suksesvol was met twee doelskoppe.
Die tweede span was 17–3 agter maar die kragmeting is stop gesit weens weerlig. Teine se derde span was ook aan die wenkant en het 22–5 geseëvier.
Wat die juniors aanbetref moes albei die o19s asook o21s die knie buig met ‘n telling van 10–5 en 17–15 onderskeidelik.
Teine se volgende ligawedstryd is weer tuis teen Raiders Rugbyklub op 5 April.
