Springbok Baits hengel dat die katrol bewe

Springbok Baits Sosiale Klub het onlangs weer hul visvangvaardighede ten toon gestel tydens ‘n kompetisie by Olifantsnekdam.

• Lees ook: Springbok Baits katrol meer prestasies in

Pieter Schemel, voorsitter van die klub, het gesê die reën was ‘n hindernis maar dit het hulle nie gekeer om 31 visse in te katrol nie.

“Behalwe vir die reën het die hengelaars dit geniet,” het hy gesê.

Andre Erasmus was die algehele wenner van die kompetisie terwyl Kiewiet Burger die tweede plek behaal het. Hy het ook met die swaarste sak weggestap. Mark Mans was derde.

Dankie aan al die hengelaars wat in moeilike weersomstandighede gekom het. Julle is almal puik,” het Pieter afgesluit.