Super 12 Bybelvasvra kampioene
Die Laerskool Hennopspark se Bybelvasvra-span van Graad sewe het onlangs as kampioen uit die stryd getree by die jaarlikse Super 12 Bybelvasvra-kompetisie. ‘n Totaal van 17 skole het aan vanjaar se kompetisie deelgeneem. Laerskool Mooirivier van Potchefstroom het tweede geëindig terwyl Laerskool Tzaneen met die bronsmedaljes weggestap het. Hennopspark se Graad sewe- en Graad ses-spanne …
Die Laerskool Hennopspark se Bybelvasvra-span van Graad sewe het onlangs as kampioen uit die stryd getree by die jaarlikse Super 12 Bybelvasvra-kompetisie. ‘n Totaal van 17 skole het aan vanjaar se kompetisie deelgeneem.
Laerskool Mooirivier van Potchefstroom het tweede geëindig terwyl Laerskool Tzaneen met die bronsmedaljes weggestap het. Hennopspark se Graad sewe- en Graad ses-spanne neem ook deel aan die nasionale Bybelvasvra-kompetisie wat jaarliks deur die Rapportryerbeweging gehou word.
Die eerste uitdunrondte het reeds in Mei plaasgevind waartydens die Graad sewe-span en dié van die Graad vyf en ses die veertiende posisie op nasionale vlak behaal het. Albei die Hennops-spanne neem binnekort deel aan die tweede uitdun-rondte.
Daarna sal die tien spanne met die hoogste totale punte in die land dan in ‘n derde en finale rondte mekaar die stryd aansê. Ons wens albei Hennops-spanne sterkte en voorspoed toe.
Laerskool Hennopspark se Bybelvasvra spanne word bygestaan en afgerig deur Me Linda Schroëder (Adjunk Hoof Laerskool Hennopspark) en Daleen Botha asook Ds Nelis Lindique.
