’n Vermeende kabeldief is Maandagoggend deur lede van Copwatch en ’n Centurion-inwoner in sy spore gestuit.
Bertus Myburgh, woordvoerder van Copwatch, sê die vermeende kabeldief is omstreeks 07:50 in hegtenis geneem naday hy in Willem Bothalaan in Wierdapark betrap is.
’n Bekommerde inwoner het Copwatch van die verdagte man in kennis gestel.
Myburgh sê: “Die man was besig om die kabels te stroop en het die kabels oor ’n muur gegooi voordat ons reaksie-voertuie op toneel gekom het. Die man het ontken dat hy enige kabels by hom gehad het, maar ons het later dit agter die muur gekry waar hy dit verberg het.”
Die man is na die Wierdabrug-polisiekantoor gebring.
Vir jou daaglikse nuus, besoek Rekord se Facebook-blad en volg ons op Twitter.
Lees ook: Elektrisiteitsinfrastruktuur instandhouding nie op standaard
Metaaldiewe op heterdaad betrap
