Rylaan nou rooi ten bate van padveiligheid
Meer as ’n 100 Montana-inwoners het Sefako Makgatho-rylaan Maandagaand met rooi baniere en plakkate opgeruk om padveiligheid te bevorder.
Byna 100 besorgde Montana-inwoners het Maandagaand by Montana Crossing rooi baniere en plakkate vir padveiligheid in Sefako Makgatho-rylaan aangebring.
Dit vorm deel van ‘n veldtog bekend as Red=Stop nadat ‘n 20-jarige student, Tilani Pouwels, verlede Woensdag in ‘n motorogeluk in die rylaan dood is.
Chantel Hart, een van die organiseerders, sê DA-raadslid Arnold van Niekerk het ook ’n petisie opgestel wat inwoners onderteken het vir die oprigting van driefase-verkeerslig by sekere kruisings in dié rylaan.
“Ons wil Bakwena-tolmaatskappy ook by die projek betrokke kry. Ons voel ons gemeenskap dra genoeg by tot tolgelde en dat hulle ons kan help om die rylaan te beveilig,” sê Hart.
Sy sê dat lede van die Sinoville-brandbestrydingvereniging (SBBV) ook by die projek betrokke is.
Inwoners kan plakkers vir hul motors by Minuteman Press koop om padveiligheid te bevorder.
“Die GPF was ook uitstekend tydens die hele projek. Ek wil net vir almal se betrokkenheid dankie sê en dat hulle elkeen ’n verskil in iemand se lewe gaan maak of gemaak het,” sê Hart.
Lees ook:
Montana vat hande vir padveiligheid
Jong vrou sterf in Zambezi-ongeluk
Pretoria sussies sterf in ongeluk
Strafbare manslag ondersoek na vrou se dood in Zambesi ongeluk
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 072 435 7717.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook en Twitter blaaie.
- Ons wil hê jy moet altyd weet wat in jou gemeenskap aangaan. Stuur ‘n epos met die woorde ‘Teken aan’ na breakingnews@rekord.co.za vir jou gratis daaglikse nuusflits.
