Verlede jaar se leerlinge in Hoërskool Oos-Moot van graad 8 tot 11 en ’n personeellid is onlangs vir uitstaande akademiese prestasies vereer.
Die topleerlinge in elke graad was Hannelie Ros (graad 11) met ’n gemiddeld van 92.4%, Jacqueline Jansen van Rensburg (graad 10) met ’n gemiddeld van 96.6%, Allison Tribelhorn (graad 9) met ’n gemiddeld van 93.5% en Mareli Mostert (graad 8) met ’n gemiddeld van 95.2%.
Marietha Edwards is aangewys as die distrik se beste ekonomie-onderwyseres in graad 12. Graad 10-leerling Marlene Pretorius is as die beste Afrikaanse-leerling in die distrik aangewys en graad 12-leerling Charene Agenbach as die beste leerling in die distrik.
Bianca Ferreira het ’n toekenning ontvang vir die vierde-beste graad 12-leerling in die distrik en Danielle Jordaan was die vyfde-beste graad 12-leerling in die distrik.
Susan-Marie Boshoff is gekies as die beste graad 12-leerling in wiskundige geletterdheid en Julie Marais is die beste graad 12-leerling in sakestudies.
Die skool spog veral met Armand Brits (graad 12) wat 95% behaal het in die UNISA-musiekeksamen in 2015. Hy is op UNISA se ererol vir musiek geplaas.
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083 625 4114.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook, Twitter en Instagram blaaie.
- Ons wil hê jy moet altyd weet wat in jou gemeenskap aangaan. Stuur ‘n epos met die woorde ‘Teken aan’ nabreakingnews@rekord.co.za vir jou gratis daaglikse nuusflits.
