Adri Peens van Centurion het vir jare sosiale brug gespeel sonder om te besef dat sy dié spel kompeterend kan beoefen tot op die hoogste vlak.

Die afgelope naweek het dié onderwyseres van die Laerskool Raslouw reeds vir die tweede keer aan die Suid-Afrikaanse Brugfederasie se nasionale Brugkongres (eintlik maar die nasionale kampioenskap) in Durban deelgeneem.

“Bittermin mense weet dat brug as ’n Olimpiese sport erken word”, het Peens aan Rekord vertel. Hoewel sy deesdae ’n ernstige brugspeler is, glo sy nie dat sy reeds goed genoeg is om nasionale kleure daarin te verdien nie.

Sy vertel dat sy vir 30 jaar op sosiale vlak aan dié gewilde kaartspel deelgeneem het, maar eers verlede jaar uitgevind dat sy kwalifiseer om by die nasionale kongres te kan kompeteer. Sy en haar jarelange vriendin, Estelle Elliot, het toe in die afdeling vir pare ingeskryf en tot hul verbasing die tweede plek in hul kategorie verower.

Vanjaar was die twee vriendinne dus weer by die nasionale kongres en hulle het vooraf vas geglo dat hulle vanjaar selfs beter sou doen.