Quins-Bobbies se sukses van 2017 deur Blou Bulle beloon

Die nuweling klub in die Blou Bulle se strukture, Quins-Bobbies, was die top presteerder by verlede week se meriete toekenningsgeleentheid van die unie.

December 12, 2017

Koos Venter 2 minutes read

Jan-Hendrik Bosman, agtsteman van Quins-Bobbies, is aangewys as Carltonbemker Speler van die Jaar. Hier ontvang hy sy trofee van Henry Adendorff, adjunk-president van die BBRU. Foto: Koos Venter

Jan-Hendrik Bosman, woelige agtsteman van Quins-Bobbies (QBR), wat vanjaar ook een van die top driedrukkers in die Carltonbeker liga was, is verlede week aangewys as die Carltonliga se Speler van die Jaar.

Hierdie toekenning van Bosman het die kroon gespan op ‘n aand van groot vreugde vir QBR, waarin hulle die sukses van hul eerste jaar as nuwe klub behoorlik kon vier.

QBR, wat einde 2016 tot stand gekom het met die samesmelting van Harlequins Rugby-klub en Pretoria Polisie (Bobbies) Rugby-klub, het vanjaar ook die Carltonbeker liga gewen, waarna hulle tot die halfeindrondte van die Gouebeker nasionale klubkampioenskap gevorder het.

Nico Luus (Carltonbeker Afrigter van die Jaar – deel) en Henry Adendorff (adjunk-president van die BBRU)

Gert Mulder (Carltonbeker Afrigter van die Jaar – deel) en Henry Adendorff (adjunk-president van die BBRU)

Ansius Vermeulen is aangewys as die unie se Skeidsregter van die Jaar. Hier ontvang hy sy trofee van Henry Adendorff, adjunk-president van die BBRU. Foto: Koos Venter

Quins-Bobbies s aangewys as die BBRU se Klub van die Jaar. Henry Adendorff, adjunk-president van die BBRU (regs) het die troffee oorhandig aan Ben Eybers (voorsitter, links) en Chaka Croukamp (president, middel). Foto: Koos Venter

Tuine Grizzlies is aangewys as Opkomende Klub van die Jaar. Hier ontvang Johan Beukes (voorsitter) die prys van Henry Adendorff (adjunk-president van die BBRU)

Naas Rossouw (o.21 afrigter van die Jaar) en Henry Adendorff (adjunk-president van die BBRU)

Ludwich von Deventer van QBR en Henry Adendorff (adjunk-president van die BBRU)

Henry Adendorff (adjunk-president van die BBRU) oorhandig ‘n trofee vir Mees Toegewyde Rugbypersoonlikheid van die Jaar aan Nelia Oosthizen van die BBRU.

Henry Buitendach (links) Carlton C Speler van die Jaar by Henry Adendorff (adjunk-president van die BBRU)

QBR het by die toekenningsgeleentheid ook weggestap met die prys as Klub van die Jaar, terwyl Nico Luus en Gert Mulder gesamentlik aangewys is as die Afrigters van die Jaar in die Carltonliga.

Japie van der Ryst, jarelange spanbestuurder van Pretoria Polisie, wat ook by QBR se span betrokke was, het ‘n meriete toekenning ontvang vir sy jarelange toewyding aan klubrugby.

Net om die kersie op die koek te plaas van dié klub se droomjaar, is Harlequins se Jeugklub ook aangewys as Jeugklub van die Jaar.

Spelers, afrigters en administrateurs op alle vlakke van klub- en amateurrugby is by die funksie vereer. Ander toekennings sluit die volgende in: