Nadat Garrick Rees verlede jaar as laerskoolseun nie sy gelyke gehad het in Suid-Afrika as middelafstand atleet nie, het hy vanjaar voor ‘n groot uitdaging gestaan om homself teen groter kompetisie as hoërskool atleet te bewys.

Dié jong ster van die Curro College Halzeldean het sy moeilike toets met vlieënde vaandels geslaag toe hy verlede week by die Nasionale Sekondêre Skolekampioenskap weer die titels in die 800 meter én die 1500 meter ingepalm het.

Rees se prestasie was soveel meer merkwaardig weens die feit dat hy as onder 14 atleet in die kategorie vir onder 15’s moes deelneem, aangesien dit die laagste ouderdomsgroep by die kampioenskap was.

In die proses het Rees ook persoonlike beste tye in die twee items opgestel. Hy het die 1500 meter wedloop gewen in 4:03 minute, terwyl sy wentyd in die 800 meter 1:56,80 minute was.

Vir jou daaglikse gratis gemeenskapsnuus, besoek Rekord se webwerwe: