Eldoraigne klop hul bure in Virseker-bekertoernooi
Die Hoërskool Eldoraigne se eerste rugbyspan het die afgelope twee weke bewys dat hulle vanjaar weer die beste span in die Centurion gebied is.
Die Hoërskool Eldoraigne se eerste rugbyspan het die afgelope naweek vir die tweede agtereenvolgende week ‘n Centurion-derby teen een van hul buurskole gewen toe hulle Hoërskool Zwartkop met 37-24 verslaan het.
Dié wedstryd was ‘n bepaling in die Skild-afdeling van die Virseker-bekertoernooi. Dit is terselfdertyd ook gespeel onder die vaandel van ENB se Classic Clash wedstryde vir hoërskoolspanne.
Eldoraigne se groot held in die wedstryd was Hilton Olivier (foto). Hy het een van die span se vier drieë gedruk, terwyl hy ook agt punte met sy akkurate skopvoet aangeteken het.
Eldoraigne het verlede week ook met Hoërskool Centurion in dieselfde afdeling van die Virseker-bekertoernooi afgereken deur hulle met 51-20 kaf te draf.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook, Twitter en Instagram blaaie.
