Menlopark atlete oes 30 medaljes by SA kampioenskap
Atlete van Hoërskool Menlopark het ’n groot impak gemaak by vanjaar se nasionale jeug atletiekkampioensskap.
Ten spyte van al die negatiewe kwessies rondom die Covid-19 krisis, het Hoërskool Menlopark se atlete tog weer vanjaar ver bo die res uitgestaan
Daarvan getuig die reuse medalje-oes van die 55 Menlopark atlete wat Gauteng-Noord by die SA-kampioenskap verteenwoordig het.
Foto: Verskaf
Dié Menlo atlete kon daarin slaag om met 19 goue medaljes, vyf silwer medaljes en ses bronsmedaljes terug te keer vanaf die Paarl, waar die kampioenskap vanjaar aangebied is.
Dit beteken dus dat Menlo atlete altesaam 30 medaljes by die kampieonskap verower het.
Die kersie op die koek vir Menlopark was die vertoning van Werner Bezuidenhout in die 100m hekkies item vir seuns o.16. Hy nie net die item gewen nie, maar ook die SA-rekord in hierdie item verbeter tot 12.83 sekondes.
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083-625-4114.
Vir jou daaglikse gratis gemeenskapsnuus, besoek Rekord se webwerf: Rekord
Besoek ook ons Facebook, Twitter en Instagram blaaie.
